Категорија: ПРОЕКТИ

Ново возило за собирање и транспорт на комунален смет за ЈП Лакавица Конче донација од општина Конче

Општина Конче продолжува со подобрување и јакнење на капацитетите на комуналнто претпријатие ЈПКД „Лакавица“.
Почитувани сограѓани во соработка со Светска Банка и грант од проектот „ Подобрување на општинските услуги-МСИП“ општина Конче набави ново возило за набавка и транспорт на цврст отпад. Со капацитет од 2.5м3 новото возило ќе ни овозможи по брз и ефикасен пристап за собирање на смет до околу 800 домаќинства, покрај подобрата услуга за нашите граѓани преку овој проект ќе овозможиме и еколошка заштита на животната средина на нашата општина,Исто така сакам да ве известам дека со набавка на камионот и тракторот за организирано собирање на смет за прв пат од своето постоење ЈПКД „ Лакавица“ успеа да добие лиценца за собирање и транспорт на смет како од домаќинствата така и од индустриските капацитети во нашата општина. Со овие активности потрврдуваме дека како одговорна општина за нас се приоритет услугата и потребите на нашите сограѓани истакна Градоначалникот на општина Конче Благој Илиев.

Заеднички план за намалување на ризикот од катастрофи и климатските промени во прекуграничниот регион на општините Конче и Струмјани

Проект: „Примена на мерки за заштита од поплави во општините Конче и Струмјани“ со Реф. Бр. CB006.2.12.142, Број на грант договор: РД-02-29-162/12.07.2019 како проектен резултат беше и изработка на стратешки документ со наслов,,Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени,,

Во рамките на проектот „Примена на мерки за заштита од поплави во општините Конче и Струмјани“, беше подготвен  Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени во прекуграничниот регион на општините Конче и Струмјани.

Целта на ваквиот план е подобрување на соработката помеѓу институциите, организациите и волонтерите вклучени во процесот на заштита и спасување од Југоисточниот регион на Северна Македонија и областа Благоевград во Бугарија, преку претставените препоракиза управување со катастрофи и итни ситуации, информирање на јавноста во случај на катастрофа како и промовирање на свеста за климатските промени.

Преземете го планот овде:

 

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Со регулација на Дединска река до поголема заштита од поплави вo општина Конче

До крајот на месецов ќе се регулира речното корито на Дединска река во општина Конче која при секои обилни врнежи од дожд предизвикуваше поплави и огромни штети а пред десетина години однесе и човечки живот. Ова општина со европски пари од Програмата за прекугранична соработка со општина Струмјани од соседна Бугарија, врши уредување на коритото кое поминува низ населеното место Дедино чии жители се најмногу се изложени на поплави.

Дединска река доби кејски ѕидови од камен во должина од 360 метри  изградени се касакадни прагови а низ населеното место има и цевкасти пропусти за премин на локалното население. На тој начин се очекува трајно да се реши регулацијата на ова река која изминативе децении заради климатските промени има предизвикано милионски штети како на патната инфраструктура така и на обработливите земјоделски површини.

„Целиот наш фокус е насочен кон застапување и обезбедување на интересите и задоволување на потребите на граѓаните, а регулацијата на речното корито на Дединска река е од огромна важност за жителите од ова населено место.Со спроведувањето на овој проект, ќе се подобри квалитетот на животот на граѓаните, а истовремено ќе се зголеми и зајакне свеста за климатските промени“ потенцираше градоначалникот на Конче, Благој Илиев.

Уредувањето и регулацијата на Дединска река е дел од проектот „Примена на мерки за заштита од поплави во општините Конче и Струмјани“ кој  предвидува и низа едукативни работилници, се со цел да се ублажат ефектите од природните катастрофи и да се зголеми безбедноста на населението во овие две општини при изразени климатски промени.

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Нова фекална канализација за дел од с. Конче во Општина Конче

Од средствата кои беа наменети за изградба на карго аеродром во Штип а се пренаменети во инфраструктурни проекти ,за проектот „Фекална канализација за дел од с. Конче во Општина Конче со одобрени 18.141.175,15 денари (295.000 €)согласно поднесеното барање и проектната документација. Овој проект опфака канализациски крак во должина од 3150 метри со кој ќе се реши долгодошниот проблем со фекалните канализации во с.Конче и ќе бидат опфатени сите домаќинства кои до сега немале можности да се приклучат на канализациската мрежа. Овој проект беше една од приоритетните проекти во нашата програма и сме горди што ќе ја реализираме во тековната година.

Партерно уредување на локации во Конче со донација на општина Бујуккариштиран

Соработката со неодамна збратимената општина Бујуккариштиран од Р.Турција продолжува, по донацијата од околу 200 столови за културниот дом на о.Конче овој пат општина Бујуккариштиран заедно со Здружението за култура и образование „Академија на Румели“ донираше бекатонски плочки во количина од околу 600м2. Со донацијата од бекатонските плочки се планирани уредување на две локации како паркинг просторот од 300 м2 пред манастирот св.Стефан -Конче и партерно уредување од 300 м2 на „чешмата кај Чинарот “ во с.Конче. Трошоците за изведување на овие проекти ќе ги покрива општина Конче кои ќе бидат предвидени во буџетот во 2021 година, завршување на овој проект се очекува да биде околу крајот на Април.

Известување до граѓаните на Општина Конче за доставување предлози за Буџетот за 2021 год.

Почитувани сограѓани!

Поради актуелната состојба со пандемијата од COVID -19 Коронавирусот, и почитување на препораките од надлежните институции за заштита на јавното здравје, Ве информираме дека ова година нема да се одржат Јавните средби со граѓаните во населените места, на кои Вие граѓаните ќе можете да дававте предлози за проекти кои би се реализирале во наредната 2021 година.

Како и досега, а со цел заеднички да ги планираме Програмите кои ќе ги вклучиме во Буџетот за наредната 2021 година, Ве покануваме Вашите предлози за проекти  што би се реализирале во Вашите населени места, да ги доставите до општина Конче.

Предлозите можете да ги доставите од денес а најдоцна до петок 20.11.2020

– во писмена форма преку архивата на општина Конче

-електронски на следните е-маил адреси: gradonacalnik.konce@gmail.com и opstina.konce@t.mk

– на facebook страната: Општина Конче

– на facebook страната: Благој Илиев – Градоначалник на Општина Конче

Дополнителни информации можете да добиете на следниве телефонски броеви: 032 630 325 и 071 631 140.

Ги очекуваме Вашите предлози за да можеме заеднички, како и досега да планираме и да ја развиваме нашата општина КОНЧЕ.

Со  почит,

Општина Конче  
Градоначалник Благој Илиев

Општина Конче со подобрена понуда за активен рурален туризам

Со поддршка од #LRCP-проект за локална и регионална конкурентност подобрена е понудата за активен рурален туризам во Општина Конче, создадени се подобри услови за викенд во природа и подобрена е пристапноста до езерото Мантово.

Создаваме успешни приказни и добри практики за развој на руралниот туризам во нашата држава!

ПОГЛЕДНИ ВИДЕО АКТИВЕН РУРАЛЕН ТУРИЗАМ ВО ОПШТИНА КОНЧЕ

Одржана прес конференција во рамките на проектот,, Примeна на мерки за заштита од поплави во општините Конче и Струмјани

Денес со почеток од 12 часот во просториите на Домот на култура во с.Дедино се одржа прес конференција во рамките на проектот ,,Примена на мерки за заштита од поплави во општините Конче и Струмјани,,

Прес конференцијата ја отвори градоначалникот на општина Конче господин Благој Илиев кој пред присутните граѓани и медиуми се обрати и кажа.

Проектот,, Примена на мерки за заштита од поплави во општините Конче и Струмјани,  во општина Конче започна да се реализира во 2019 година како проект за прекугранична соработка помегу општина Конче и општина Струмјани од Република Бугарија во рамките на Интеррег-Програмата за прекугранична соработка помеѓу Република Северна Македонија и Република Бугарија.

Основна цел на проектот е да ги спречи и ублажи ефектите од природните катастрофи и катастрофите создадени од човекот во прекуграничниот регион на Конче-Струмјани.

Посебни цели на проектот се:

-Подобрување на течението на реката Дединска, општина Конче,со регулација на речното корито  преку градежни активности и рехабилитација,

-Изготвување на заеднички план за создавање мрежа за намалување на ризикот од катастрофи и подигнување на свеста за климатските промени преку прекугранична сораобтка.

-Кампања за подигнување на свеста за спречување и  управување со ризици  како и прилагодување и ублажување на климатските промени во Конче и Струмјани.

-Заедничка работилница  ,,Решенија за уравување со ризик  од природни  непогоди  во прекуграничниот регион,,.

Релизацијата на овој проект ќе ги обезбеди следните придобивки  за целните групи од прекуграничниот регион.

-Зголемена безбедност за населенито во Конче и Струјани  од природни непогоди  и спречување на поплави  во урбаните места преку регулација на речните корита,

Зголемен капацитет на општинската администрација на Конче и Струмјани да ги адаптираат и да ги ублажат ефектите од климатските промени.

Зголемена свесност на населението  на двете општини  за климатските промени  и  за нејзините последици и реакции  во кризните региони.

Вкупниот буџет на проектот изнесува 395,965,47 евра од кој  Буџетот  за општина Конче изнесува 178.979,33 евра. истакна градоначалникот Благој Илиев.

Во рамките на овој настан се изврши посета на локација на речното корито во с.Дедино каде во тек се градежни работи  и се направи увид во текот на работите.

Поставување на фотоволтаик на општинската зграда во Конче

Започнато е со поставување на фотоволтаик на општинската зграда во Конче
Ова е прва општинска институција во општина Конче каде што се поставуваат фотоволтаици за заштеда на електрична енергија.
„Средствата се издвоени од програмата за финансиска поддршка на рурален развој, односно поттикнување на локален развој на руралните средини спроведено преку мерка 413.

Проектот за поставување на фотоволтации на јавни објекти во општина Конче, Радовиш, Карбинци и Штип се реализира преку ЛАГ „Плачковица“-Конче а Општината се јавува како кофинансиер.

Општина Конче како со-основач и партнер во предлог проектот обезбедува кофинансирање од 33 % од вредноста на предлог проектот, а останатите ЛАГ,,Плачковица,,-Конче кои се обезбедени од Агенцијата за финансиска поддршка при Министерството за земјоделие.
Општина Конче учествува со 100.000 денари, а Лаг ,,Плачковица,,-Конче со 200.000 денари или вкупната вредност на проектот е 300.000 денари,“ истакна градоначалникот Благој Илиев.

Амбасадорот на Е️У Самуел Жбогар ја посетија општината Конче

Денес амбасадорот на Е️У Самуел Жбогар, заедно со постојаната претставничка на УНДП во️ Македонија, Луиза Винтон, ја посетија општината Конче каде се сретнаа со градоначалникот Благој Илиев. Посетата беше да се потврди реконструкцијата на локалниот пат кој ефективно поврзува над 3,500 жители со околните градови и села, финансиран од Програмата на ЕУ за обнова од поплави. Се обиколи и живописното езеро Мантово, каде што е во тек изградба на туристички прекуграничен проект.