Месец: <span>м.г</span>

Одржана конститутативната седница на Советот на општина Конче

На ден 12 ноември 2021 година со почеток од 10 часот во просториите на општина Конче беше одржана конститутивната седница на Советот на Општина Конче, воедно и прва седница на новоизбраните советници.

Седницата ја отвори и со неа раководеше најстариот член на Советот Јончо Здравев. На седницата беше присутен и градоначалникот на Општина Конче Златко Ристов.

Дневниот ред имаше 5 точки:

  1. Решение за избор на комисија за верификација на Советот на Општина Конче,
  2. Решение за верификација на мандатот на новоизбраните членовите на советот на Општина Конче;
  3. Полагање и потпишување на свечена изјава на членовите на Советот;
  4. Решение за избор на претседател на Совет на општина Конче;
  5. Решение за определување на членови на Советот на Општината кои ќе учествуваат  во постапката за склучување на бракови во Месната заедница Конче.

 Откако верификационата комисија ја изврши верификацијата на советниците, мандатот на избраните 9 советници беше верификуван и одлуката за нивната верификација беше едногласно усвоена.

За претседател на Советот на Општина Конче со мнозинство гласови е избрана Александра Ристова.

Градоначалникот Златко Ристов од негово лично име и од име на општинската администрација, им го честита мандатот на новоизбраните советници, посакувајќи им успешна и плодна работа, во интерес на граѓаните на Општина Конче.

НОВИОТ СОВЕТ НА ОПШТИНА КОНЧЕ НЕКА  ДОНЕСЕ РЕАЛИЗАЦИЈА НА МНОГУ УСПЕШНИ ПРОЕКТИ ЗА СИТЕ ГРАЃАНИ!

Златко Ристов официјално ја презеде должноста Градоначалник на Општина Конче

Општинската изборна комисија во Конче денеска официјално го врачи уверението на Златко Ристов, за назначување и превземање на функцијата Градоначалник на Општина Конче.

Златко Ристов како нов градоначалник на Општина Конче доаѓа на местото на досегашниот градоначалник Благој Илиев.

На одржаните локални избори Ристов со освоени 1083 гласа односно со разлика од 23 гласа во однос на својот противкандидат, успеа да дојде на функцијата градоначалник на Општина Конче, кој ќе ја води општината во наредните 4 години.

Ристов најави дека веднаш ќе се зафати со решавање на проблемите на граѓаните и реализација на порграмата.