Категорија: ЛОКАЛЕН ЕКОНОМСКИ РАЗВОЈ

Работна посета на Градоначалникот и Советот на Конче во Република Турција

По иницијатива од Совет на општина Акхисар и Совет на општина Конче за збратимување на нашите општини, заедно со дел од советниците се оствари посета на општина Акхисар каде заедно со Градоначалникот на Акхисар г-дин Бесим ДУТЛУЛУ беше потпишан официјалниот протокол за збратимување на општина Конче и општина Акхисар.
Акхисар со 174.850 жители од кои околу 35.000 се исселенеци од балканските земји и годишен буџет до 20 милиони евра е една од најразвиените општини во Егејскиот регион на Р.Турција. Акхисар е претежно земјоделска општина каде што најзастапаени се одгледување и преработка на маслинки, лозарство и тутун.
Збратимувањето на нашите општини ќе придонесе соработка како на економски план така и во делот на култутрата, традицијата и земјоделието.
Голема благодарност до Градоначалникот Бесим Дутлулу,Советот на општина Акхисар, Претседателот на Балканската катедера во Акхисар г-дин Шериф Шен и Претседателот на здружението на Балканските исселеници во Акхисар г-дин Јакуп Сајгили за топлиот пречек и за посветеното внимание а во најбрзо време очекуваме да бидат наши драги гости.

Нашата делагација оставри работна посета и на општина Селчук што изразуваме и посебна благодарност до Градоначалничката на општина Селчук Филиз Џиритоглу Сенгел за поканата, прекрасниот пречек и соработката. Општина Селчук е место каде гравитират 458 домаќинства исселени од општина Конче и затоа посетaта во Селчук за нас беше од посебно значење, исто така во рамките на оваа посета имавме средба и со “Здружението на балкански исселенеици во Селчук” и сакам да му се заблагодарам на претседателот на здружението г-дин Али Акјуз за нивното гостопримство.

Работната посета во Р.Турција беше завршена  со средба со Градоначалникот на општина Кушадаси г-дин Омер Гунел, како што е познато Кушадаси е една од најубавите и главните туристички локации во Р.Турција, соработката со нив за нас претставува добра прилика за споделување на нивните искуства во делот на туризмот. Како што изрази и градоначалникот Омер Гунел ние сме народ од две различни држави но со многу заеднички култури,традиции и обичаи и ова соработка мора да ја продолжиме и веќе првиот чекор е направен и следните чекори ќе бидат многу по лесни и брзи за двете општини.

Општина Конче изразува благодарност и на Советникот од Советот на општина Кушадаси г-дин Емре Фазлилар кој беше еден од иницијаторите за соработката со општина Кушадаси.

Со регулација на Дединска река до поголема заштита од поплави вo општина Конче

До крајот на месецов ќе се регулира речното корито на Дединска река во општина Конче која при секои обилни врнежи од дожд предизвикуваше поплави и огромни штети а пред десетина години однесе и човечки живот. Ова општина со европски пари од Програмата за прекугранична соработка со општина Струмјани од соседна Бугарија, врши уредување на коритото кое поминува низ населеното место Дедино чии жители се најмногу се изложени на поплави.

Дединска река доби кејски ѕидови од камен во должина од 360 метри  изградени се касакадни прагови а низ населеното место има и цевкасти пропусти за премин на локалното население. На тој начин се очекува трајно да се реши регулацијата на ова река која изминативе децении заради климатските промени има предизвикано милионски штети како на патната инфраструктура така и на обработливите земјоделски површини.

„Целиот наш фокус е насочен кон застапување и обезбедување на интересите и задоволување на потребите на граѓаните, а регулацијата на речното корито на Дединска река е од огромна важност за жителите од ова населено место.Со спроведувањето на овој проект, ќе се подобри квалитетот на животот на граѓаните, а истовремено ќе се зголеми и зајакне свеста за климатските промени“ потенцираше градоначалникот на Конче, Благој Илиев.

Уредувањето и регулацијата на Дединска река е дел од проектот „Примена на мерки за заштита од поплави во општините Конче и Струмјани“ кој  предвидува и низа едукативни работилници, се со цел да се ублажат ефектите од природните катастрофи и да се зголеми безбедноста на населението во овие две општини при изразени климатски промени.

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Rеконструкција на основното училиште Гоце Делчев-Конче во с.Горни Липoвиќ

По објавената ранг листа на Министерството за образование и науки за финансирање на проекти за реновирање на училишни објекти на општински основни и средни училишта.

Општина Конче со проект за реконструкција на ПОУ Гоце Делчев-Конче во с.Горни Лиопвиќ се наоѓа на 5 то место со 52 бода од одобрени 19 проекти. По најавата за

-изградба на нова училишна зграда во с.Конче,

-реконструкцијата на училиштето во с.Дедино со сопствени средства ,

-реконструкција на училиштето во с.Горни Липовиќ,

-набавката на 2 нови минибуси за превоз на учениците,

-изградба на спортска сала во централното основно училиште ,,Гоце Делчев,, во Конче

продолжуваме во инвестирање за подобрување на условите за образование и дoстигнување на современите стандарди за нашите деца.Една од најважите обврски кои беа во нашата програма беше подобрување на условите за образование на нашите деца нагласи градоначалникот Благој Илиев.

 

 

 

Објавена постапка за изградба на плочест пропуст преку Дединска река и рехабилитација на патотот од двете страни

Почитувани сограѓани,

Како градоначалник на општина Конче Ве известувам дека во соработка со Министерството за транспорт и врски и Светска Банка е објавен тендерот за „Реконструкција на дел од локален пат за с. Габревци – Општина Конче“.

Станува збор за проект за изградба на плочест пропуст преку Дединска река и рехабилитација на патотот од двете страни на на пропустот со што ќе го решиме долгогодишниот проблем на ова место. Средствата за овој проект се обезбедени од „Проект за поврзување на локални патишта“ на Влада на РСМ, Мин.транспорт и врски и Светска Банка а проектната вредност на поектот е околу 2.2 милиони денари.

 

Донација од општина Бујуккариштиран од Р.Турција за општина Конче

Потпишаниот Меморандум во месец октомври оваа година за збратимување и соработка помеѓу двете општини, општина Бујуккариштиран од Р.Турција и општина Конче во повеќе области како економија,култура,туризам,земјоделство,спорт,меѓуетнички односи започна да се реализира.
Збратимувањето со о.Бујуккариштиран од Р.Турција почна да ги дава своите плодови.
Здружението за образование и култура на “Академија на Румели” и “Федерацијата на Балканските Турци”- Едирне преку Здружението за спорт и култура “Зија Гокалп”-Конче донираа 40 посетителски и 150 пластични столици вкупно 190 столици за потребите на културниот дом на општина Конче.
Општина Конче и Градоначалникот на општината Благој Илиев изразуваат јавна благодарност до донаторите на донацијата.
   

Општина Конче со подобрена понуда за активен рурален туризам

Со поддршка од #LRCP-проект за локална и регионална конкурентност подобрена е понудата за активен рурален туризам во Општина Конче, создадени се подобри услови за викенд во природа и подобрена е пристапноста до езерото Мантово.

Создаваме успешни приказни и добри практики за развој на руралниот туризам во нашата држава!

ПОГЛЕДНИ ВИДЕО АКТИВЕН РУРАЛЕН ТУРИЗАМ ВО ОПШТИНА КОНЧЕ

ПРОЕКТ ЗА ПОВРЗУВАЊЕ НА ЛОКАЛНИ ПАТИШТА ПОМЕЃУ ОПШТИНА КОНЧЕ И МИНИСТЕРСТВО ЗА ТРАНСПОРТ И ВРСКИ

,,Проект за поврзување на локални патишта,,помеѓу општина Конче и Министерство за транспорт и врски

 

Со одлука на Владата на Република Северна Македонија на ЕЛС-општина Конче доделени и се финансиски средства преку Заемот на Светска Банка во рамките на Проектот поврзување на локалани патишта.

Општина Конче во рамките ,,Проектот за поврзување на локални патишта,, ќе може да искористи  601,847,00 евра. Првите под-проекти се спремни за финансирање со дел од овие средства и се во фаза на спроведување на тендери за избор на Изведувач на проектите.

Општина Конче од овој Проект до крајот на 2020 година ќе реализира два проекти и тоа:

Тендер 1

Под-проектот „Реконструкција на пат – с.Горни Липовиќ – Долни Липовиќ„

 

Повеќе за проектот на следниот линк План за управување со животната средина и со социјалните аспекти (ПУЖССА) за проект за реконструкција на локалната улица од населбите Горни и Долни Липовиќ во Општина Конче, во рамки на Проектот за поврзување на локални патишта

Тендер 2

Под-проектот „Реконструкција на дел од Пат Габревци- Изградба на мост“.

Повеќе за проектот на следниот линк Контролна листа на План за управување со животната средина и со социјалните аспекти (ПУЖССА) за проект за реконструкција на дел од локален пат за н.м. „Габревци“, Општина Конче, во рамки на Проектот за поврзување на локални патишта во РСМ

Со овие инвестиции општина Конче продолжува да ги решава долгогодишните проблеми на  граѓаните,бидејќи секој граѓанин заслужува подобри услови за живот

Согласно Планот за спорведување на проектите  општината определи службено лице кое што ќе може да ги прими поплаките од граѓаните поврзани со комплетната реализација на проектите: фаза подготвителни работи,фаза-реализација на проектите и фаза завршни работи.

Контакт лице: Златко Јанкулов, тел:077 990 101 маил: zjankulov@yahoo.com

Одговорното лице ги прима поплаките  и ги препраќа до надлежни лица од одделенијата на општината.

Одговорно лице кое ќе води евиденција за сите поплаки (формали и неформалини) е Златко Јанкулов , соработник при општина Конче.

Формулар за коментари за проект ,,Реконструкција на пат Долни Липовик Горни Липовик,,

Формулар за коментари на докумнети за „Реконструкција на дел од Пат Габревци- Изградба на мост“

Информација за линк на проектот и каде може да се обратат граѓаните за повеќе информации за реализација на проектот и ќе можат да го контактираат ЕИП

http://www.mtc.gov.mk/proekt%20za%20loklani%20patista%20lrcp

Командата за воено-цивилна соработка на ВС на САД во Европа,Армијата на РСМ и Амбасадата на САД во посета на општина Конче

На 23 септември беше остварена посета на општина Конче од страна на припадниците на Командата за воено-цивилна сорааботка на ВС на САД во Европа,Армијата на РСМ и Амбасадата на САД во РСМ во рамките на подготовките на вежбата ,,Одлучен удар -21,, која е планирнао да се реализира во месец мај 2021 година на полигонот во Криволак.

Во рамките на посетата на Општината беше остварена посета и на селата Конче,Ракитец и Г.Липовиќ.Претставниците на Командата од страна на Градоначалникот на општината Благој Илиев беа подетално информирани за работата на општината како локална самоуправа, проектите,проблемите и предивизиците со кои се сооучува општината секојдневно како и за природните и културните богатства на општина Конче.

Од страна на претставниците на Командата за воено-цивилна сорааботка на ВС на САД во Европа и Амбасадата на САД во РСМ беше понудена отворена соработка за подршка во одредени проекти на општината Конче, а кои се од поголемо значење за општината и граѓаните,а особено за проекти од областа на образованието и противпожарната заштита на населението.

Присутната делагација изрази задоволство од срдечниот прием во општина Конче и изразија надеж за понатамошна соработка со општината во подршка на реализација на проекти во општина Конче како општина која се наоѓа географски во блиското опкружувањето на полигонот Криволак.

Премиерот Зоран Заев во посета на општината Конче

ДЕНЕС ОДРЖАВМЕ ЈАВНА ТРИБИНА НА ТЕМА ЗЕМЈОДЕЛИЕ, СУБВЕНЦИИ,ДАНОЦИ, ЗАЕДНО ПРЕМИЕРОТ НА Р.М ЗОРАН ЗАЕВ,ЉУПЧО НИКОЛОВСКИ, МИНИСТЕР ЗА ЗЕМЈОДЕЛСТВО, ШУМАРСТВО И ВОДОСТОПАНСТВО,ЛЕНЧЕ НИКОЛОВСКА, СОВЕТНИК НА ПРЕМИЕРОТ ЗА ПРАШАЊА ПОВРЗАНИ СО ЗЕМЈОДЕЛСТВО,ШУМАРСТВО И ВОДОСТОПАНСТВО,САЊА ЛУКАРЕВСКА, ДИРЕКТОР НА УПРАВА ЗА ЈАВНИ ПРИХОДИ (УЈП),НИКОЛЧЕ БАБОВСКИ, ДИРЕКТОР НА АГЕНЦИЈА ЗА ФИНАНСИСКА ПОДРШКА ВО ЗЕМЈОДЕЛСТВОТО И РУРАЛНИОТ РАЗВОЈ,ЈАНЕ СТАНКОВСКИ, ДИРЕКТОР НА ДРЖАВЕН ЗЕМЈОДЕЛСКИ ИНСПЕКТОРАТ ОДГОВОРИВМЕ НА ПРАШАЊАТА НА НАШИТЕ СОГАЃАНИ, ЗБОРУВАВМЕ ЗА НОВИ ИНВЕСТИЦИИ ВО НАШИОТ РЕГИОН,ЗА ПОДРШКА НА ЗЕМЈОДЕЛЦИТЕ, КАКО И ЗА ПОКАЧУВАЊЕТО НА СУБВЕНЦИИТЕ, ИСТО ТАКА ПРЕМИЕТОТ НАЈАВИ ДЕКА Е ВО ТЕК НАЦРТ ПЛАНОТ ЗА ПАТОТ Д.ЛИПОВИК-РИЧ КОЈ ДИРЕКТНО КЕ ГИ ПОВРЗУВА КОНЧЕ И СТРУМИЦА. МУ БЛАГОДАРАМ НА ПРЕМИЕРОТ И СИТЕ ДРУГИ ГОСТИ КОЈ НЕ ПОЧЕСТИА СО НИВНАТА ПОСЕТА И ИСТО ТАКА ГОЛЕМА БЛАГОДАРНОСТ ДО СИТЕ МОИ СОГРАЃАНИ ЗА ЗАЕНТЕРСИРАНОСТ И КОИ КАКО И СЕКОГАШ ЈА ПОКАЖАА СВОЈАТА ГОСТОПРИМЛИВА СТРАНА.

Обраќање на премиеорот Заев на трибина со земјоделците од Конче

Премиерот Заев: Повисоки субвенции за килограм тутун, стимулација за подобар производ