Категорија: ИНФОРМАЦИИ ПО ОБЛАСТ

Заеднички план за намалување на ризикот од катастрофи и климатските промени во прекуграничниот регион на општините Конче и Струмјани

Проект: „Примена на мерки за заштита од поплави во општините Конче и Струмјани“ со Реф. Бр. CB006.2.12.142, Број на грант договор: РД-02-29-162/12.07.2019 како проектен резултат беше и изработка на стратешки документ со наслов,,Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени,,

Во рамките на проектот „Примена на мерки за заштита од поплави во општините Конче и Струмјани“, беше подготвен  Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени во прекуграничниот регион на општините Конче и Струмјани.

Целта на ваквиот план е подобрување на соработката помеѓу институциите, организациите и волонтерите вклучени во процесот на заштита и спасување од Југоисточниот регион на Северна Македонија и областа Благоевград во Бугарија, преку претставените препоракиза управување со катастрофи и итни ситуации, информирање на јавноста во случај на катастрофа како и промовирање на свеста за климатските промени.

Преземете го планот овде:

 

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Реконструкција на доводен цевковод од каптажи до резервоар во с.Ракитец

Потпишан е  Договор  помеѓу Градоначалникот на општина Конче и  Директорот на Бирото за Регионален Развој Рамиз Реџепи за финансирање на проектот за реконструкција на доводен цевковод до резервоар во с.Ракитец.

Предвидени средства за реазлизација на овој проект кој ке бидат доделени се 2.2 милиони денари. Овој проект ќе биде од големо значање за жителите с.Ракитец за подобрување и зголемување на капацитети за вода.

Работна посета на Градоначалникот и Советот на Конче во Република Турција

По иницијатива од Совет на општина Акхисар и Совет на општина Конче за збратимување на нашите општини, заедно со дел од советниците се оствари посета на општина Акхисар каде заедно со Градоначалникот на Акхисар г-дин Бесим ДУТЛУЛУ беше потпишан официјалниот протокол за збратимување на општина Конче и општина Акхисар.
Акхисар со 174.850 жители од кои околу 35.000 се исселенеци од балканските земји и годишен буџет до 20 милиони евра е една од најразвиените општини во Егејскиот регион на Р.Турција. Акхисар е претежно земјоделска општина каде што најзастапаени се одгледување и преработка на маслинки, лозарство и тутун.
Збратимувањето на нашите општини ќе придонесе соработка како на економски план така и во делот на култутрата, традицијата и земјоделието.
Голема благодарност до Градоначалникот Бесим Дутлулу,Советот на општина Акхисар, Претседателот на Балканската катедера во Акхисар г-дин Шериф Шен и Претседателот на здружението на Балканските исселеници во Акхисар г-дин Јакуп Сајгили за топлиот пречек и за посветеното внимание а во најбрзо време очекуваме да бидат наши драги гости.

Нашата делагација оставри работна посета и на општина Селчук што изразуваме и посебна благодарност до Градоначалничката на општина Селчук Филиз Џиритоглу Сенгел за поканата, прекрасниот пречек и соработката. Општина Селчук е место каде гравитират 458 домаќинства исселени од општина Конче и затоа посетaта во Селчук за нас беше од посебно значење, исто така во рамките на оваа посета имавме средба и со “Здружението на балкански исселенеици во Селчук” и сакам да му се заблагодарам на претседателот на здружението г-дин Али Акјуз за нивното гостопримство.

Работната посета во Р.Турција беше завршена  со средба со Градоначалникот на општина Кушадаси г-дин Омер Гунел, како што е познато Кушадаси е една од најубавите и главните туристички локации во Р.Турција, соработката со нив за нас претставува добра прилика за споделување на нивните искуства во делот на туризмот. Како што изрази и градоначалникот Омер Гунел ние сме народ од две различни држави но со многу заеднички култури,традиции и обичаи и ова соработка мора да ја продолжиме и веќе првиот чекор е направен и следните чекори ќе бидат многу по лесни и брзи за двете општини.

Општина Конче изразува благодарност и на Советникот од Советот на општина Кушадаси г-дин Емре Фазлилар кој беше еден од иницијаторите за соработката со општина Кушадаси.

Второ прскање против ларвициди по земјен пат во општина Конче

Центарот за развој на Југоисточниот плански регион во соработка со десетте општини од регионот започна со активности за третирање против ларвицидна и возрасна форма на комарци по земјен пат. Предвидени се две третирања за ларвициди и три третирања против возрасни комарци на територијата на Југоисточниот регион со вкупна површина од 5.376 ха.

Се известуваат сите граѓани на десетте општини во Југоисточниот плански регион дека второто ларвицидно прскање ќе се изврши во период од 17 до 19 Мај 2021 година, со следниот распоред:

  1. На 17.05.2021 година (Понеделник), во период од 09 до 16 часот во општините Валандово, Дојран, Гевгелија и Богданци.
  2. На 18.05.2021 година (Вторник), во период од 09 до 16 часот во општините Ново Село, Босилово, Василево и Струмица.
  3. На 19.05.2021 година (Среда), во период од 09 до 16 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Започнува третирањето против ларвицидни и возрасни комарци во општина Конче

Центарот за развој на Југоисточниот плански регион во соработка со десетте општини од регионот започнува со активности за третирање против ларвицидна и возрасна форма на комарци по земјен пат. Предвидени се две третирања за ларвициди и три третирања против возрасни комарци на територијата на Југоисточниот регион со вкупна површина од 5.376 ха.

Се известуваат сите граѓани на десетте општини во Југоисточниот плански регион дека првото ларвицидно прскање ќе се изврши во период од 20 до 22 Април 2021 година, со следниот распоред:

  1. На 20.04.2021 година (Вторник), во период од 09 до 16 часот во општините Валандово, Дојран, Гевгелија и Богданци.
  2. На 21.04.2021 година (Среда), во период од 09 до 16 часот во општините Ново Село, Босилово, Василево и Струмица.
  3. На 22.04.2021 година (Четврток), во период од 09 до 16 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Со регулација на Дединска река до поголема заштита од поплави вo општина Конче

До крајот на месецов ќе се регулира речното корито на Дединска река во општина Конче која при секои обилни врнежи од дожд предизвикуваше поплави и огромни штети а пред десетина години однесе и човечки живот. Ова општина со европски пари од Програмата за прекугранична соработка со општина Струмјани од соседна Бугарија, врши уредување на коритото кое поминува низ населеното место Дедино чии жители се најмногу се изложени на поплави.

Дединска река доби кејски ѕидови од камен во должина од 360 метри  изградени се касакадни прагови а низ населеното место има и цевкасти пропусти за премин на локалното население. На тој начин се очекува трајно да се реши регулацијата на ова река која изминативе децении заради климатските промени има предизвикано милионски штети како на патната инфраструктура така и на обработливите земјоделски површини.

„Целиот наш фокус е насочен кон застапување и обезбедување на интересите и задоволување на потребите на граѓаните, а регулацијата на речното корито на Дединска река е од огромна важност за жителите од ова населено место.Со спроведувањето на овој проект, ќе се подобри квалитетот на животот на граѓаните, а истовремено ќе се зголеми и зајакне свеста за климатските промени“ потенцираше градоначалникот на Конче, Благој Илиев.

Уредувањето и регулацијата на Дединска река е дел од проектот „Примена на мерки за заштита од поплави во општините Конче и Струмјани“ кој  предвидува и низа едукативни работилници, се со цел да се ублажат ефектите од природните катастрофи и да се зголеми безбедноста на населението во овие две општини при изразени климатски промени.

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Rеконструкција на основното училиште Гоце Делчев-Конче во с.Горни Липoвиќ

По објавената ранг листа на Министерството за образование и науки за финансирање на проекти за реновирање на училишни објекти на општински основни и средни училишта.

Општина Конче со проект за реконструкција на ПОУ Гоце Делчев-Конче во с.Горни Лиопвиќ се наоѓа на 5 то место со 52 бода од одобрени 19 проекти. По најавата за

-изградба на нова училишна зграда во с.Конче,

-реконструкцијата на училиштето во с.Дедино со сопствени средства ,

-реконструкција на училиштето во с.Горни Липовиќ,

-набавката на 2 нови минибуси за превоз на учениците,

-изградба на спортска сала во централното основно училиште ,,Гоце Делчев,, во Конче

продолжуваме во инвестирање за подобрување на условите за образование и дoстигнување на современите стандарди за нашите деца.Една од најважите обврски кои беа во нашата програма беше подобрување на условите за образование на нашите деца нагласи градоначалникот Благој Илиев.

 

 

 

Објавена постапка за изградба на плочест пропуст преку Дединска река и рехабилитација на патотот од двете страни

Почитувани сограѓани,

Како градоначалник на општина Конче Ве известувам дека во соработка со Министерството за транспорт и врски и Светска Банка е објавен тендерот за „Реконструкција на дел од локален пат за с. Габревци – Општина Конче“.

Станува збор за проект за изградба на плочест пропуст преку Дединска река и рехабилитација на патотот од двете страни на на пропустот со што ќе го решиме долгогодишниот проблем на ова место. Средствата за овој проект се обезбедени од „Проект за поврзување на локални патишта“ на Влада на РСМ, Мин.транспорт и врски и Светска Банка а проектната вредност на поектот е околу 2.2 милиони денари.

 

Посета на Амбасадарот на Р.Турцица на Општина Конче

Општина Конче е една од најубавите примери за мултиетнички соживот во нашата држава, како општина во која значителен број од нашите граѓани се од турска националност. Ми беше чест денес да бидам домаќин на посетата во нашата општина на Амбасадорот на Р.Турција во Скопје г-дин Хасан Мехмет Секизкок, координаторот на ТИКА г-дин Омер Халим Сојут, Претседателот на МАТУСИТЕБ г-дин Хусрев Емин и Претседателот на здружението ЕНСАР г-дин Сулејман Баќи истакна градоначалникот на Благој Илиев.

На средбата разговараше за долгогодишната меѓусебна соработка, за идните заеднички проекти, инвестиции на турските фирми во областа на земјоделството, туризмот и образованието.

Амбасадорот Секизкок при посетата на училиштето, детската градинка, спортската сала ги поздрави направените инвестиции во делот на образованието и социјалната заштита на децата.Со проектот за изградба на нова канализациона линија во с.Конче со средства обезбедени од ТАВ преку Министерството за транспорт и врски обезбедуваме поквалитетен живот за нашите граѓани. Уште еднаш во мое име и во името на сите наши граѓани му се заблагодарувам на Амбасадорот на Р.Турција г-дин Секизкоз и Делегацијата  за убавата посета во нашата општина истакна Градоначалникот на општина Конче

.

Нова фекална канализација за дел од с. Конче во Општина Конче

Од средствата кои беа наменети за изградба на карго аеродром во Штип а се пренаменети во инфраструктурни проекти ,за проектот „Фекална канализација за дел од с. Конче во Општина Конче со одобрени 18.141.175,15 денари (295.000 €)согласно поднесеното барање и проектната документација. Овој проект опфака канализациски крак во должина од 3150 метри со кој ќе се реши долгодошниот проблем со фекалните канализации во с.Конче и ќе бидат опфатени сите домаќинства кои до сега немале можности да се приклучат на канализациската мрежа. Овој проект беше една од приоритетните проекти во нашата програма и сме горди што ќе ја реализираме во тековната година.