Автор: <span class="vcard">konce</span>

Посета на висока делагација од Р.Турција на општина Конче

08,09,2021 Висока делегација од нашата пријателска Република Турција на чело со г-дин Екрем ЏАНАЛП – Гувернер на градот и регионот Едрене, Ертугрул ЧАМЛИЏА – Градоначалник на збратимената општина Бујуккаиштиран, Тахир Ишик -Градоначалник на општина Инеада, Сабри Мутлу -Претседател на конфедерацијата на балкански исселеници во Р.Турција ја посетија нашата општина. Повод на ова прекрасна посета беше пуштањето во употреба на два проекти реализирани во соработка со збратиментата општина Бујуккариштиран Р.Турција, станува збор за уредување на паркинг простор пред манастирот св.Стефан-Конче и партерно уредување на местото викано Поројот во с.Конче. Овие се први реализирани проекти од ваков карактер со заедничка соработка на нашата општина и збратимена општина.

Ново возило за собирање и транспорт на комунален смет за ЈП Лакавица Конче донација од општина Конче

Општина Конче продолжува со подобрување и јакнење на капацитетите на комуналнто претпријатие ЈПКД „Лакавица“.
Почитувани сограѓани во соработка со Светска Банка и грант од проектот „ Подобрување на општинските услуги-МСИП“ општина Конче набави ново возило за набавка и транспорт на цврст отпад. Со капацитет од 2.5м3 новото возило ќе ни овозможи по брз и ефикасен пристап за собирање на смет до околу 800 домаќинства, покрај подобрата услуга за нашите граѓани преку овој проект ќе овозможиме и еколошка заштита на животната средина на нашата општина,Исто така сакам да ве известам дека со набавка на камионот и тракторот за организирано собирање на смет за прв пат од своето постоење ЈПКД „ Лакавица“ успеа да добие лиценца за собирање и транспорт на смет како од домаќинствата така и од индустриските капацитети во нашата општина. Со овие активности потрврдуваме дека како одговорна општина за нас се приоритет услугата и потребите на нашите сограѓани истакна Градоначалникот на општина Конче Благој Илиев.

Посета на амбасадорот на Европска Унија г-дин Дејвид Гир на општина Конче

Ми беше чест и задоволство во нашата општина да го пречекам Амбасадорот на Европска Унија г-дин Дејвид Гир со кој ги посетивме и разговаравме за реализираните проекти со финансиска помош од Европска Унија. Со реализација на овие проекти овозможивме на посетителите подобри услови за прошетки во природа,рекреативни спортски активности околу езерото, пикник со најблиските и уживањево природните убавини. Недопрената природа, чистиот воздух и здравата храна се само мотив повеќе за туристите да го посетат Езерото Мантово и Општина Конче.Очекуваме спроведените активности да поттикнат дополнителни приватни инвестиции кои ќе ја унапредат туристичката понуда во нашата општина.Во последните 3 години ова е втора посета на Евроамбасадор во нашата општина и тоа потврдува дека сме на вистински пат за промвирање на убавините на нашата прекрасна општина.

Потпишан Договорот за изведба на проектот „Фекална канализација за дел од с.Конче во Општина Конче

Почитувани сограѓани заедно со Заменик на Претседателот на Владата задолжен за економски прашања Фатмир Битиќи и Управителите на ТАВ МАКЕДОНИЈА Метин БАТАК и Нејат КУРТ го потпишавме договорот за изведба на проектот „Фекална канализација за дел од с.Конче во Општина Конче“ со вредност од околу 18 милиони денари. Проектот опфака канализационен крак во должина 3150 метри со кои ќе бидат опфатени сите домаќинства и ќе се решат долгогодишните проблеми со кои се соочуваме од старата канализациона мрежа. По разговорот со преставниците на инвеститроте и финансиерите дека во најкраток период се планира да се започне со започнување на градежните активности.

Програма за мобилна гинеколошка амбуланта во општина Конче

Програма за мобилна гинеколошка амбуланта во општина Конче

Општина Конче во соработка со Министерството за здравство на Р.Северна Македонија по претходна побарана помош за изнаоѓање на решение за отварање на гинколошка амбуланта во Конче, по предлог на Министерот за здравство Венко Филипче, Општината доби можност  да биде вклучена во програмата на Министерството за здравство за мобилна гинеколошка амбуланта за рурални жени.

Програмата оперативно започна да се спроведува во соработка со лицата ангажирани преку програмата на УНДП и општина Конче  и назначено лице координатор на програмата за општина Конче. Се започна со запишување на пријавени лица (девојки , жени) од  сите населени места на општина Конче кои ќе пријават интерес за добивање на бесплатни гинеколошки услуги во своето населено место.

На 23 јули 2021 год. во село Конче започна првиот термин за гинеколошки преглед за лица од Конче и Лубница и во рамките на истиот 15 лица жени добија бесплатен преглед од Специјалист гинколог и медицинска сестра акушер во специјализирано возило мобилна амбуланта, во дворот на Здравниот дом во Конче.

Во рамките на програмата планирано е вакви прегледи да се вршат два пати месечно како и услуга резултатите од прегледите да се достават лично до лицето во одреденото село.

Вакви мобилни гинеколошки услуги согласно програмата предидено е да се дават директно во секое село со цел да се избегне дополнителна потреба од превоз на руруалните жени до местото на прегледот.

Од разговорот со лицат кои први ја добија оваа услуга за прв пат во Конче изразија големо задоволство од пристапот и понудената услуга.

 

Општина конче го одбележа празникот на општината 12 јули-Петровден

Општина Конче го одбележа празникот на општината 12 -ти Јули, Петровден со пригодна свеченост, и културно иметничка програма.

По повод празникот на општината,  беше одржана свечена седница на Советот, на која градоначалникот Благој Илиев, изврши прием на поканети гости, деловни партнери и пријатели, директори на јавни институции  и приватни компании меѓу кои и генералниот  директор на РБ Бучим, Олег Чустовитин, и други гости. Присутните ги поздрави градоначалникот Благој Илиев  кој притоа изрази задоволство од укажаната чест, а  спомна и дел од проектите кои се реализираа во изминатиот период.

На свечената седница беа доделени признанија и благодарници за успешна соработка  со Општина Конче на повеќе правни и физички лица и раководители на институции.

На свечената седница беше одржана и културно уметничка програма. Согласно програмата празнувањето заврши со пригоден коктел во дворот на манастирот Свети Стефан во Конче, кој им беше претставен на гостите како атрактивна  рурална туристичка дестинација.

ИЗГРАДБА НА ДЕЛ ОД ЛОКАЛЕН ПАТ С.ЛУБНИЦА – С. СКОРУША.

ПОЧИТУВАНИ СОГРАЃАНИ
САКАМ ДА НАЈАВАМ ЗАВРШУВАЊЕ НА НА УШТЕ ЕДЕН ОД ПРИОРИТЕТНИТЕ ПРОЕКТИ ВО НАШАТА ПРОГРАМА „ ИЗГРАДБА НА ДЕЛ ОД ЛОКАЛЕН ПАТ С.ЛУБНИЦА – С. СКОРУША.
СТАНУВА ЗБОР ЗА ПРОЕКТ СО ВРЕДНОСТ ОД ОКОЛУ 7.5 МИЛИОНИ ДЕНАРИ И Е ФИНАНСИРАН ОД АГЕНЦИЈАТА ЗА ФИНАНСИСКА ПОДРШКА НА ЗЕМЈОДЕЛИЕТО И РУРАЛНИОТ РАЗВОЈ.
ЛОКАЛНИОТ ПАТ Е ВО ДОЛЖИНА ДО 1.683 МЕТРИ СО ШИРИНА НА КОЛОВОЗ ОД 3.5 МЕТРИ , 8 ЦЕВАСТИ ПРОПУСТИ И ШИРИНА НА БАНКИНИ ОД 1 МЕТАР.
СО ОВОЈ ПРОЕКТ ЌЕ ОВОЗМОЖИМЕ ПОБРЗ ПИ ПОЛЕСЕН ПРИСТАП ДО СЕЛАТА СКОРУША, ЗАГОРЦИ И ГАРВАН КОИ ДОЛГИ ГОДИНИ БИЛЕ ОТСЕЧЕНИ ОД ЦЕНТРАЛНИТЕ НАСЕЛЕНИ МЕСТА НА НАШАТА ОПШТИНА ПОРАДИ КОИ ДОВЕЛО ДО ГОЛЕМ БРОЈ НА МИГРАЦИИ ОД ОВИЕ СЕЛА, ИСТО ТАКА ОВЈ ПАТ Е ДОСТА ЗНАЧАЕН И ЗА РАЗВОЈ НА ЗЕМЈОДЕЛИЕТО СО ШТО СЕ ОВОЗМОЖУВА ПОЛЕСЕН ПРИСТАП ДО ОБРАБОТЛИВИТЕ ЗЕМЈОДЕЛСКИ ПОВРШИНИ.

Заеднички план за намалување на ризикот од катастрофи и климатските промени во прекуграничниот регион на општините Конче и Струмјани

Проект: „Примена на мерки за заштита од поплави во општините Конче и Струмјани“ со Реф. Бр. CB006.2.12.142, Број на грант договор: РД-02-29-162/12.07.2019 како проектен резултат беше и изработка на стратешки документ со наслов,,Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени,,

Во рамките на проектот „Примена на мерки за заштита од поплави во општините Конче и Струмјани“, беше подготвен  Заеднички план за развој на мрежа за прекугранична соработка за намалување на ризикот од катастрофи и промовирање на свеста за климатските промени во прекуграничниот регион на општините Конче и Струмјани.

Целта на ваквиот план е подобрување на соработката помеѓу институциите, организациите и волонтерите вклучени во процесот на заштита и спасување од Југоисточниот регион на Северна Македонија и областа Благоевград во Бугарија, преку претставените препоракиза управување со катастрофи и итни ситуации, информирање на јавноста во случај на катастрофа како и промовирање на свеста за климатските промени.

Преземете го планот овде:

 

Проектот е ко-финансиран од Европската Унија и од националните фондови на земјите учеснички во Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006).

Оваа публикација е изготвена со помош на Европската Унија, преку Интеррег-ИПА Програмата за прекугранична соработка меѓу Република Бугарија и Република Северна Македонија 2014-2020 (CCI No. 2014TC16I5CB006). Содржината на публикацијата е единствена одговорност на Општина Конче и на никаков начин не може да се смета дека ги одразува гледиштата на Европската Унија, државите учеснички или Раководниот орган на Програмата.

Општина Конче со значајно подобрување на својата транспарентност во работењето во 2021 година

Индекс за активна транспарентност 

По извршената анализа на Центарот за граѓански комуникации во рамките на Извештајот за Индекс за активна транспарентност за 2021 година врз основа на изработена методологија и структуирани  прашалници за состојбата на исполнетост на обврските за активно објавување на информации на интернет страната на општината, општина Конче за 2021 година ја рангираше во групата со многу добра транспарентност на 23 место, подобрувајки ја својата активна транспарентност за фантастични 60 процентни поени.

Во однос на подобрување на својата транспареност Извештајот покажува дека има подобрување кај 51 општина.

Општини кои ја подобрила својата активна транспарентност за повеќе од 20 процентни поени се:

1.Општина Конче за 59 процентни поени

2.Општина Петровец за 57 процентни поени

3.општина гратско за 45 процентни поени и

4.општина Центар Жупа за 42 процентни поени.

Во однос на состојбата на ниво на Југоисточниот плански регион ,општина Конче  од послаба позиција лани сега се искачи на 4-то место подобрувајки ја својата активна транспарентност за фантастични 60% односно лани од 23 % на 83% оваа година.

Рангирање на општините во Југоисточниот пласнки регион за активна транспарентност.

1.Ванадово- 94%

2.Гевгелија-86%

3.Василево-84 %

4.Конче 83 %

5.Струмица-80%

6.Богданци-79%

7.Ново Село- 67%

8.Босилово- 62%

9.Радовиш-57%

10.Дојран-45%