Автор: <span>konce</span>

Посета на Амбасадарот на Р.Турцица на Општина Конче

Општина Конче е една од најубавите примери за мултиетнички соживот во нашата држава, како општина во која значителен број од нашите граѓани се од турска националност. Ми беше чест денес да бидам домаќин на посетата во нашата општина на Амбасадорот на Р.Турција во Скопје г-дин Хасан Мехмет Секизкок, координаторот на ТИКА г-дин Омер Халим Сојут, Претседателот на МАТУСИТЕБ г-дин Хусрев Емин и Претседателот на здружението ЕНСАР г-дин Сулејман Баќи истакна градоначалникот на Благој Илиев.

На средбата разговараше за долгогодишната меѓусебна соработка, за идните заеднички проекти, инвестиции на турските фирми во областа на земјоделството, туризмот и образованието.

Амбасадорот Секизкок при посетата на училиштето, детската градинка, спортската сала ги поздрави направените инвестиции во делот на образованието и социјалната заштита на децата.Со проектот за изградба на нова канализациона линија во с.Конче со средства обезбедени од ТАВ преку Министерството за транспорт и врски обезбедуваме поквалитетен живот за нашите граѓани. Уште еднаш во мое име и во името на сите наши граѓани му се заблагодарувам на Амбасадорот на Р.Турција г-дин Секизкоз и Делегацијата  за убавата посета во нашата општина истакна Градоначалникот на општина Конче

.

ЈАВЕН КОНКУРС ЗА АНГАЖИРАЊЕ НА РЕОНСКИ ПОПИШУВАЧИ И РЕОНСКИ ИНСТРУКТОРИ

ПОПИС НА НАСЕЛЕНИЕТО, ДОМАЌИНСТВАТА И СТАНОВИТЕ ВО
РЕПУБЛИКА СЕВЕРНА МАКЕДОНИЈА, 2021 ГОДИНА
ЈАВЕН КОНКУРС
ЗА АНГАЖИРАЊЕ НА РЕОНСКИ ПОПИШУВАЧИ И
РЕОНСКИ ИНСТРУКТОРИ
I. Врз основа на член 7 од Правилникот за утврдување на начинот и поблиските
услови за именување на членови на комисиите за пописните реони и селекција и избор
на реонските попишувачи и реонските инструктори, Државниот завод за статистика
објавува јавен конкурс за ангажирање на лица кои ќе учествуваат во спроведувањето
на Пописот на населението, домаќинствата и становите во Република Северна
Македонија, 2021 година во периодот од 01-21.04.2021 година во својство на:
• Реонски попишувачи и
• Реонски инструктори.
II. Потребниот број на реонски попишувачи и реонски инструктори што ќе се
изберат по пописни реони и според јазикот на кој ќе се врши попишувањето, е како
што следи во табеларните прегледи:
Табеларен преглед за реонски попишувачи и реонски инструктори

види целосен  ЈАВЕН КОНКУРС ЗА АНГАЖИРАЊЕ НА РЕОНСКИ ПОПИШУВАЧИ И
РЕОНСКИ ИНСТРУКТОРИ

Општина Конче со значителни инвестиции во образованието во 2021 год

Општина Конче со значителни инвестиции во образованието во 2021 год.

Согласно планираните проекти на општина Конче во соработка со општинското основно училиште Гоце Делчев-Конче во тековната 2021 година има планирано и започнати значителни инвестиции во делот на изградба и  реконструкција на училишни објeкти згради.Имено станува збор за три важни инвестиции:

1.Реконструкција на стара училилна зграда на Подрачното основно училиште ,,Гоце Делчев,, во с.Дедино каде веќе завршена е тендерската процедура јавна набавка за изведувач на градежните работи на реконструкција, и склучен е Договор со фирмата ,,ДОО Техника,,- Радовиш за реконструкција на училишната зграда согласно новиот изработен проект за училишна зграда.Градежните работи се во тек и согласно договорот работите треба да бидат завршени за период од три месеци заклучно до почетокот на месец мај.

 

2.Општина Конче во соработка со турската владина организација во Р.Северна Македонија ТИКА -Скопје работи  на проектирање на нов училиштен објект-училишна зграда во с.Конче за ученици од прво до петто одделение.Проектот е веќе изработен и претставен како макета во општина Конче. Се очекува реализација на проектот да започне до крајот на 2021 и 2022 година.

3.Општина Конче во соработка со Министерството за образование на Р.С.Македонија за тековната 2021 година обезбеди  финансиски средства за реконструкција на училишната зграда на подрачното основно училиште ,,Гоце Делчев,,- Горни Липовиќ.Оваа зграда е постара училишна зграда во минатите години се извршени одредени подобрувања(кровна конструкција, вградување на парно систем и др) од Буџетот на училиштето и општина Конче.Со оваа инвестиција ќе се изврши целосна реконструкција на зградата со значително ќе се подобрат условите за остварување на квалитетна воспитно-образовна работа и престој на учениците и наставниците.

  

Со овие три нови инвестииции во 2021 година општина Конче и општинското основно училиште ,,Гоце Делчев,, Конче значително ќе се подобрат материјалните училишни услови во Конче, Дедино и Горни Липовиќ во делот на одржување реновирање и изградба на училишни згради, ќе се подобрат условите за престој на учениците и наставниците во училиштата, ќе се создадат услови за модернизација на наставниот процес а посебно за учениците да добиваат квалитетни знаења и вештини.

Проектот за грижа за стари и изнемоштени лица успешна приказна во општина Конче

Проектот општинско-корисна работа подршка на стари и изнемоштени лица и образовна подршка на ученици

Проектот општинско-корисна работа подршка на стари и изнемоштени лица и образовна подршка на ученици  е финансиски подржан од УНДП, Владата на Р.С.Македонија и општина Конче. Проектот започна на 1 септември 2019 година и непрекинато трае до денес со голема мотивирност и заинтресираност и подршка од Градоначалникот, Советот на општината и граѓаните.

Целта на проектот „Општинско-корисна работа“ е преку ангажман кој е корисен и за заедницата, овие невработени лица да се стекнат со практични вештини што понатаму ќе им служат на пазарот на трудот. Овој проект е дел од оперативниот план #Шанса За Сите, поддржан од Министерство за труд и социјална политика, Агенција за вработување на РСМ  и Embassy of Switzerland in North Macedonia

Активности на проектот општинско-корисна работа подршка на стари лица и образовни асистенти

-Една до две неделни посети во домовите од ангажирани лица за грижа на стари лица;
-Превентиван  здравстена  грижа;
-Психолошка подршка и дружење со старите лица корисници на програмата;
-Помош за секојдневни потреби на стари лица -пазарување, прошетка, купување лекови;
-Социјални активности со стари лица;
-Образована помош  на училишни деца со потешкотии во учењето.
Проект програмата за подршка на стари лица се реализира веќе втора година во општина Конче по сите населени места и според резултатите кои ги покажа и прифатеноста од страна на корисниците постана важен дел од секојдневниот живот на старите и изнемоштени лица со цел да помогне на најранливите категории.
Во рамките на проектот ,ангажирани се вкупно 11 невработени лица како даватели на услуги .9 лица се ангажирани како негователи на стари  изнемоштени и лица самци во сите населени места на општината и 2 лица образовни асистенти за подршка на 3 ученици во основното училиште Гоце Делчев Конче.
Со радост, песна и смеа најстарите жители на Општина Конче ja прифатиjа помошта и поддршката од општинско-ангажираните асистенти!
  Посетата од лицето неговател на корисниците еднаш до двапати неделно е настан кој им причинува пријатни чувства и настан кој со очекување се чека да се случи.Улогата на ангажираните лица е уште поважна сега, додека општината се справува со последиците од пандемијата, па така овие лица секојдневно минуваат по неколку километри со цел да им пружат основна медицинска грижа, како и помош при вршење на секојдневните обврски на постарите жители од  селата во Општина Конче.
   Негователите нагласуваат дека  посебно значајна особено психолошката подршка, дружењето како и помошта за секојдневни потреби на стари лица -пазарување, прошетка, купување лекови.   Негователот го посетува лицето корисник во неговиот дом, ја следи неговата здравствена сосотјба со превентивни мерки проверка на крвен притисок , порверка на шекер, темепература и тежина.Се посветува и драгоцено време на разговор со лицето (добриот збор искажан за нив е многу заначаен)нудејки и психолошка подршка, особено за лица кои живееат сами и се осамени  како  и помош за набавка на потребни намирници и лекови.
    Од 2020 година започнавме со подршка на деца со потешкотии во образованиот процес , вкупно 3 деца добиват ваква образовна подршка од 2 ангажирани образовни асистенти.Асистентите работат секојдневно со учениците со физичко присуство и он-лине настава,ги следат одделенсите наставници и даваат подршка што му е дополнително потребна на ученикот.Вкупно 307 граѓани од општина Конче се крајни корисници на услугите во општина Конче.
 Сите ангажирани лица со подршка на УНДП имаат поминато обука за негователи и образовани асистенти и се со стекнат сертификат за работата што ја извршуваат.
Програмата општинско-корисна работа е уште една успешна приказна од општина Конче која е на големо задоволство на корисниците и општина Конче како реализатор на програмата.
   Голема Благодараност за целокупната подршка од Канцеларијата на УНДП во Скопје,Министеството за труд и социјална политика и секако на општина Конче.

Ново промотивно видео ,,Конче бескрајно убаво,,

Проект за локална и регионална конкурентност -општина Конче 

 

 

 

 

Ново промотивно видео КОНЧЕ БЕСКРАЈНО УБАВО

Подобрување на придонесот на туризмот во локалниот економски развој на општина Конче и подобрување на капацитетот на Владата и јавните субјекти за поттикнување на растот на туризмот и олеснување на управувањето со дестинациите. Единица за спроведување на Проектот (ЕСП)

Новогодишна честитка од Градоначалникот на општина Конче

Почитувани граѓани на општина Конче 
Во Новата година Ви посакувам многу здравје, успех и многу убави моменти
поминати во природа, исполнети со мир, спокој и благосостојба.
Среќни Новогодишни и Божиќни празници.
Општина Конче – Мала, едноставна и бесконечно убава.

Нова фекална канализација за дел од с. Конче во Општина Конче

Од средствата кои беа наменети за изградба на карго аеродром во Штип а се пренаменети во инфраструктурни проекти ,за проектот „Фекална канализација за дел од с. Конче во Општина Конче со одобрени 18.141.175,15 денари (295.000 €)согласно поднесеното барање и проектната документација. Овој проект опфака канализациски крак во должина од 3150 метри со кој ќе се реши долгодошниот проблем со фекалните канализации во с.Конче и ќе бидат опфатени сите домаќинства кои до сега немале можности да се приклучат на канализациската мрежа. Овој проект беше една од приоритетните проекти во нашата програма и сме горди што ќе ја реализираме во тековната година.

Партерно уредување на локации во Конче со донација на општина Бујуккариштиран

Соработката со неодамна збратимената општина Бујуккариштиран од Р.Турција продолжува, по донацијата од околу 200 столови за културниот дом на о.Конче овој пат општина Бујуккариштиран заедно со Здружението за култура и образование „Академија на Румели“ донираше бекатонски плочки во количина од околу 600м2. Со донацијата од бекатонските плочки се планирани уредување на две локации како паркинг просторот од 300 м2 пред манастирот св.Стефан -Конче и партерно уредување од 300 м2 на „чешмата кај Чинарот “ во с.Конче. Трошоците за изведување на овие проекти ќе ги покрива општина Конче кои ќе бидат предвидени во буџетот во 2021 година, завршување на овој проект се очекува да биде околу крајот на Април.

Донација од општина Бујуккариштиран од Р.Турција за општина Конче

Потпишаниот Меморандум во месец октомври оваа година за збратимување и соработка помеѓу двете општини, општина Бујуккариштиран од Р.Турција и општина Конче во повеќе области како економија,култура,туризам,земјоделство,спорт,меѓуетнички односи започна да се реализира.
Збратимувањето со о.Бујуккариштиран од Р.Турција почна да ги дава своите плодови.
Здружението за образование и култура на “Академија на Румели” и “Федерацијата на Балканските Турци”- Едирне преку Здружението за спорт и култура “Зија Гокалп”-Конче донираа 40 посетителски и 150 пластични столици вкупно 190 столици за потребите на културниот дом на општина Конче.
Општина Конче и Градоначалникот на општината Благој Илиев изразуваат јавна благодарност до донаторите на донацијата.
   

Известување до граѓаните на Општина Конче за доставување предлози за Буџетот за 2021 год.

Почитувани сограѓани!

Поради актуелната состојба со пандемијата од COVID -19 Коронавирусот, и почитување на препораките од надлежните институции за заштита на јавното здравје, Ве информираме дека ова година нема да се одржат Јавните средби со граѓаните во населените места, на кои Вие граѓаните ќе можете да дававте предлози за проекти кои би се реализирале во наредната 2021 година.

Како и досега, а со цел заеднички да ги планираме Програмите кои ќе ги вклучиме во Буџетот за наредната 2021 година, Ве покануваме Вашите предлози за проекти  што би се реализирале во Вашите населени места, да ги доставите до општина Конче.

Предлозите можете да ги доставите од денес а најдоцна до петок 20.11.2020

– во писмена форма преку архивата на општина Конче

-електронски на следните е-маил адреси: konce.gradonacalnik@gmail.com и opstina.konce@t.mk

– на facebook страната: Општина Конче

– на facebook страната: Златко Ристов – Градоначалник на Општина Конче

Дополнителни информации можете да добиете на следниве телефонски броеви: 032 630 325 .

Ги очекуваме Вашите предлози за да можеме заеднички, како и досега да планираме и да ја развиваме нашата општина КОНЧЕ.

Со  почит,

Општина Конче  
Градоначалник Златко Ристов